كنوز ثقافية

فن اختيار فاكهة البطيخ 1- البطيخة تكون مدورة مش طويلة .. البطيخة المدورة (( انثي )) بتبقى نسبة السكر فيها اكتر من البطيخة الطويلة (( الذكر )) اللى بتبقى مايعة زيادة عن اللزوم وطعمها مش اوى ... إلا بقى لو انتي جابة نوع بطيخ طويل اصلا .. 2- البقعة زى اللي فى الصورة السابقة.. لو البطيخة فيها بقعة فاختاري أغمق بقعة تشوفيها .. البقعة الفاتحة بتدل على أن البطيخة طعمها أى كلام .. وكل ما اغمق اللون كل ما زادت نسبة السكر فى البطيخة . 3- عنقود البطيخة .. متجبيش بطيخة عنقودها أخضر .. هتبقى طازة و لسة مستوتش وطعمها مش ظريف .. هاتي بطيخة عنقودها دبلان وناشف .. هتبقى استوت واكتمل نضجها و طعمها تحفة .. 4- سواء كبيرة او صغيرة .. وزنها لازم يكون تقيل بالنسبة لحجمها .. يعنى لو بطيخة كبيرة وبطيخة صغيرة والاتنين نفس الوزن .. اختاري الصغيرة. 5- اخبطي علي بطنها .. هتحسي ان كانت مجوفة ولا لا .. لو حسيتيها مجوفة اركنيها على جنب ..

شاهد أسهل طريقة لنزع كامل قشرة البطيخة استمتع بنزع كامل قشرة البطيخة بكل سهولة بمشاهدة هذا الفيديو الشيق