10 أخطاء شائعة تجعلك تفشل فى أي Interview حاول تتجنبها !

اخطاء شائعة هتخليك تفشل فى اى Interview, حاول تتجنبها

أخطاء تجعلك تفشل في الانترفيو
أخطاء تجعلك تفشل في الانترفيو
خلال شغلى فى ال HR الفترة اللى فاتت عملت عدد كبير جدا من ال Interviews وشفت أخطاء كبيرة جدا معظم الناس بتعملها وبتخلى اى حد يستبعدهم من فرصة التعيين٠
  • 1- اول غلطة انك تروح اى Interview وانت مش محضر معلومات عن الشركة او المكان اللى عايز تشتغل فيه لان اول سؤال تقريبا تعرف ايه عننا ؟ فا حاول نذاكر الشركة كويس واسهل حاجة هو ال Website بتاعهم
  • 2-انك تجاوب سؤال Introduce Yourself او Tell me more about yourself ؟ بأجابات تحتوى على معلومات شخصية ملهاش اى لازمة ومتظهركش كأحسن حد للوظيفة زى سنك - متجوز ولا عازب - عندك كام اخ - ساكن فين بالتفصيل -الخ
السؤال ده هو الفرصة اللى ممكن تكتسبك بقية ال Interview اعرف ازاى ممكن تستغله صح:
  • 3-انك متكنش عارف ايه الموجود فى ال C.V بتاعتك او انت كاتب ايه بالظبط او ترتيبها لان ده ببساطة بيدل على انك مش عارف نفسك كويس ومش منظم فا حاول تذاكر ال C.V بتاعتك كويس قبل اى Interview
  • 4-إنك متكنش عارف انت جاى ليه او عايز تشتغل إيه فى الشركة دى والوظيفة دى بالتحديد ؟
وده بالنسبالى السؤال الاهم لان لو انت مش هتعرف تجاوبه يبقى مستاهلش الوظيفة ٠ فا حاول تحضر نفسك لسؤال زى ده اشمعنا الشركة دى والوظيفة دى ؟
  • 5- ودى طريقة تانية من نفس السؤال اللى فات انى اسألك عن طموحك او هدفك او يعنى زى ما بتسمعوا ايه ال Career Objective بتاعك ؟ وده السؤال اللى بيترفض بسببه معظم الناس لانهم بيجاوبوه ب 3 طرق غلط:
- معرفش او لسة هحدد او اى حاجة عامة ومش محددة
- يقولك هدف كبير اوى بس تيجى تسأله هتوصله ازاى او ناوى تعمل ايه تسمع اى كلام او يقولك هسعى واشد حيلى
- يقولك هدف كويس وخطة عشان يحقق الهدف ده بس عمره ما نكر ازاى الوظيفة اللى هو مقدم عليها او شغله فى الشركة دى هيساهم فى تحقيق هدفه.
  • 6-انك تجاوب الاسئلة اللى بتتسألك وانت مش باصص لل HR او الشخص اللى بيعملك ال Interview وده هيضايقه طبعا وهيحسسه انك بتكدب فحاول تحافظ على Eye Contact مهما كان عدد اللى بيعملك interview.
  • 7-متسألش أسئلة تضيع الدنيا زى ؟
- هو المرتب كام ؟
- الأجازات قد ايه ؟
- عندكوا Break ولا لأ.
  • 8- متحاولش تتكلم او ترغى كييو جدا اكتر من الشخص اللى بيسألك واياك تقاطعه مهما كان، لان اى حاجة هضايقه بيها مش فى صالحك خالص لان عندنا كتير من ال hr فى مصر بيشيلوا فى نفسهم من الحاجات دى.
  • 9- اياك متكنش محضر قبل اى Interview وعندك دليل يبين كل ميزة او موهبة عندك وقصدى هنا بدليل موقع تحكيه تثبت بيه انك شاطر فى حاجة معينة او عندك مهارة معينة مش معنى كده الاقى حد داخل ال Interview بدوسيه شهاداته من ابتدائى لحد ما تخرج زى ما بيحصل معايا. وبالمناسبة الشهادات مش مهمة لو انت مش فاهم ومش عارف حاجة عن الشفل "ولو انت فاهم من غير شهادات صدقنى هحترمك أكتر.
  • 10- اخيرا انا متكلمتش على انك تلبس كويس وتسرح شعرك وتوصل قبل ميعادك وتبتسم وتسلم سلام رجالة والكلام ده عشان دى حاجات اساسية المفروض حضرتك تبقى عارفها.