فكرة لتعلم الانجليزي من غير ولا مليم
 |
| فكرة لتعلم الانجليزي من غير ولا مليم |
لكل واحد أو واحدة مهتمة بإنها تخلي الإنجلش بتاعها بيرفكت من غير ولا (مليم)
البوست ده ليك ... الفكرة عبارة عن:
- هنعمل group فيه كل اللي زيك عشان تلاقي حد يزقك لأنك غالبا لما بتبدأ لوحدك في حاجه مبتكملش.
- هنوحد المصدر يعني كلنا هنتعلم من نفس الكورس.
- مدة الكورس 6 شهور.
وأفضل كورس انا شفته لحد دلوقتي اسمه learn real English .... الكورس اللي بيقدمه ناس أجانب يعني ناس مبتهزرش ياجماعة .... فكرة الكورس بتعتمد ع الإستماع 100% ..... الكورس مكون من 30 درس كل درس متقسم لجزئين، جزء محادثة ودي 5 دقايق وبعد كده شرح الكلمات الصعبة للمحادثة بالإنجلش برضو بأمثلة لتثبيت معاني الكلمات دي .... والجزء الثاني story على موضوع الدرس بعدها برضو شرح لكلمات الstory بالأمثلة ..... كل audio ليه ملف pdf فيه كل كلمة اتقالت.. عشان تعرفوا ان الناس دي professional ....
المطلوب من سيادتك
- تسمع الدرس الواحد لمدة إسبوع تشغله في المواصلات قبل ماتنام أي وقت فاضي.
- كل يوم قبل ماتنام تاخد جزء من المحادثة أو الstory وتسجل لنفسك audio وتحاول تنطق زي ماسمعت بالظبط ....
الكورس ده هينقلك من مرحلة ميس ميرفت إلي مرحلة ال native speaker في ٦ شهور بس .... والمفروض انه هيبتدي أول شهر 4 .... اللي حابب الفكرة
ده لينك الجروب اضغط هنا
وده لينك تحميل مباشر للكورس ...ملحوظة مساحته 2جيجا يعني تقدر تحمله لحد أول شهر4
فكرة الموضوع: أميرهـ محمد
تعليقات
إرسال تعليق